— Гэта мой самы першы і самы надзейны памочнік. Вопытны медык, прафесіянал, — зазначае загадчыца Раваніцкай участковай бальніцы Наталля Андрэеўна Жэкава. І ў далейшай размове працягвае з гонарам распавядаць пра адметныя якасці фельчара Дзянько.
Святлана Леанідаўна на Чэрвеньшчыну прыехала з Барысава. Тут выйшла замуж. Разам з мужам выхоўваюць траіх дзяцей. Старэйшая дачка ўжо вучыцца ў інстытуце, малодшая ходзіць у школу, а сыну ўсяго пяць гадоў. Хатніх клопатаў у вёсцы шмат. Спраўляцца з імі дапамагаюць родныя.
Працавітая і шчырая, Святлана Леанідаўна аддана служыць вяскоўцам, імкнецца набываць новыя веды, авалодаць усім, што можа спатрэбіцца медыку ў рабоце і жыцці.
Эма МІКУЛЬСКАЯ.
Фота аўтара