10 снежня 1878 года ў г.Ігумен Мінскай губерні нарадзіўся Бліадуха Мікалай Фёдаравіч — беларускі геолаг, арганізатар геалагічнай службы Беларусі, акадэмік АН БССР (1928).
5 снежня 1886 года ў маёнтку Капланцы Ігуменскага павета нарадзіўся кампазітар Мікола Равенскі.
12 снежня 1904 года ў г.Ігумені нарадзілася беларуская актрыса, Заслужаная артыстка БССР (1952 г.) Лагоўская Алена Іванаўна.
27 снежня 1912 года ў г.Ігумен нарадзіўся Кароль Уладзімір Адамавіч, Заслужаны будаўнік БССР (1962), лаўрэат Дзяржаўнай прэміі БССР, народны архітэктар СССР (1970).
20 снежня 1915 года ў г.Чэрвені нарадзіўся Гурэвіч Сямён Шоламавіч, удзельнік Вялікай Айчыннай вайны, Герой Савецкага Саюза.
2 снежня 1934 года памёр Шатэрнік Мікалай Васільевіч, беларускі мовазнаўца, ураджэнец в.Старына Чэрвеньскага раёна, стваральнік «Краёвага слоўніка Чэрвеньшчыны».
Снежань 1942 года створаны атрад імя С.М.Кірава з атрадаў М.Ф.Калуцкага і А.С. Бячкова.
Снежань 1942 года створаны атрад імя К.Я. Варашылава.
26 снежня 1944 года памёр Шчэрба Леў Уладзіміравіч, акадэмік, ураджэнец г. Ігумен.
(Па матэрыялах Чэрвеньскага раённага краязнаўчага музея)