Дырэктыва №3 Прэзідэнта Рэспублікі Беларусь застаецца адным з асноўных накірункаў дзейнасці кожнага працоўнага калектыва. Таму невыпадкова гэтае пытанне было вынесена на парадак дня чарговай сесіі раённага Савета дэпутатаў.
З інфармацыяй выступіла намеснік старшыні райвыканкама па эканоміцы, начальнік аддзела эканомікі Алена Шлома. У прыватнасці, яна адзначыла, што па выніках работы за студзень-красавік сёлета ў цэлым па раёну забяспечана выкананне мэтавага паказчыка па энергазберажэнню на ўзроўні мінус 6%, што адпавядае даведзенаму прагнознаму паказчыку. Гэта дасягнута пры забеспячэнні аб»емаў валавай прадукцыі сельскай гаспадаркі ў ААТ «Чэрвеньскі райаграсервіс», «Валевачы», сельгасфіліяле «Аграбуд » і сельгаскааператыве «Велікаполле».
Асаблівую актуальнасць ва ўмовах падаражання імпарціруемых энерганосьбітаў набывае пытанне павелічэння выкарыстання мясцовых відаў паліва. У гэтым напрамку ў раёне працуе філіял «Гранагратэх» замежнага прадпрыемства «Сэлві», які вырабляе паліўныя гранулы з расліннай сыравіны. За першы квартал гэтага года іх выраблена 1,1 тысячы тон. У мінулым годзе ў ААТ «Х з»езд Саветаў» мадэрнізаваны цэх АВМ-065 пад выпуск паліўных гранул з саломы. У выніку прымаемых мер сёлета за чатыры месяцы доля мясцовых відаў паліва ў агульным аб»ёме спажывання кацельна-пячнога паліва склала 50% пры ўстаноўленым на год заданні 44,6%.
Як зазначыла Алена Шлома, вялікая ўвага ў раёне надаецца і развіццю нетрадыцыйных крыніц энергіі, выкарыстанню другасных рэсурсаў і адыходаў вытворчасці. За першы квартал выкарыстана 342 тоны умоўнага паліва другасных рэсурсаў.
У 2007-2010 гадах на мерапрыемствы па энергазберажэнню накіравана больш за 11 мільярдаў рублёў. Так, сельскагаспадарчыя прадпрыемствы перавялі на мясцовыя віды паліва 91 электракацёл і электраводанагравальнік, 9 зернесушыльных комплексаў, правялі мадэрнізацыю халадзільнага абсталявання на малочнатаварных комплексах, аўтаматызацыю 109 водапагружных насосаў воданапорных свідравін. Акрамя таго, арганізацыямі раёна на працягу 2007-2010 гадоў вяліся работы па ўстаноўцы шклопакетаў, энергазберагаючых ліхтароў, замене абсталявання на менш энергаёмістае, цеплавой рэабілітацыі будынкаў, замене тепласетак з выкарыстаннем высокаэфектыўнай цеплаізаляцыі. Завершаны работы па аснашчэнню кватэр індывідуальнымі прыборамі ўліку расходу халоднай вады. У выніку правядзення такіх мерапрыемстваў эканамічны эфект ад іх склаў больш за 2,1 мільярда рублёў.
Для павышэння эфектыўнасці выкарыстання дзяржаўнай маёмасці ў раёне праводзіцца работа па прыцягненню ў гаспадарчы абарот невыкарыстоўваемых будынкаў. Як патлумачыла Алена Шлома, на працягу трох гадоў ў раёне выкарыстаны ў народнай гаспадарцы раёна 17 аб»ектаў, на 9 адзінак скарацілася колькасць аб»ектаў, якія знаходзяцца ў незавершаным будаўніцтве.
Разам з тым, яна адзначыла недастатковую работу па выкананню некаторых пунктаў патрабаванняў Дырэктывы №3. Так, не выконваецца даведзенае заданне па павелічэнню выкарыстання мясцовых відаў паліва. За чатыры месяцы расход і спажыванне яго насельніцтвам зменшыўся ў параўнанні з аналагічным перыядам мінулага года на 2,7%. Некаторыя прадпрыемствы маруднымі тэмпамі праводзяць энергазберагаючыя мерапрыемствы. За чатыры месяцы іх было праведзена толькі 7 з 50, прадугледжаных праграмай па энергазберажэнню раёна. 7 прадпрыемстваў не выконваюць паказчык па эканоміі рэсурсаў.
Па абмеркаванаму пытанню прынята адпаведнае рашэнне, у якім вызначаны канкрэтныя мерапрыемствы па ўхіленню адзначаных недахопаў.
На сесіі былі заслуханы таксама інфармацыі «Аб зацвярджэнні Інструкцыі аб парадку продажу на льготных умовах і абмена на імянныя прыватызацыйныя чэкі «Маёмасць» работнікам прадпрыемстваў акцый адкрытых акцыянерных таварыстваў», «Аб унясенні змен у рашэнне Чэрвеньскага раённага Савета дэпутатаў ад 22 красавіка 2011 г №71», «Аб зацвярджэнні Тэрытарыяльнай праграмы дзяржаўных гарантый па забеспячэнню медыцынскім абслугоўваннем насельніцтва Чэрвеньскага раёна на 2011 год».
Людміла РАБЕЦКАЯ