У мінулыя выхадныя зборная каманда нашага раёна у складзе 14 чалавек на чале са старшынёй райкама прафсаюза работнікаў АПК Тамарай Сакалоўскай брала ўдзел у 5-й абласной спартакіядзе работнікаў аграпрамысловага комплексу. Спаборніцтвы праходзілі па сямі відах спорту. Лепшыя вынікі наша каманда атрымала па перацягванню каната (першае месца), міні-футболу (чацвёртае месца) і па гіраваму спорту (шостае месца). У індывідуальных спаборніцтвах лепшы вынік па дартсу ў капітана каманды Тамары Сакалоўскай. Віктар Галубовіч са Смілавіцкага дзяржаўнага аграрнага каледжа заняў другое месца ў шматбор»і «Здароўе», Сяргей Варвашэвіч са Смілавіцкага сельскагаспадарчага аграрнага ліцэя на трэцім месцы ў спаборніцтвах па падняццю гіры. У выніку з 22 каманд з усіх раёнаў вобласці нашы занялі другое агульнакаманднае месца. Рыхтавалі каманду да спартакіяды супрацоўнікі аддзела фізкультуры і спорту райвыканкама Леанід Губарэвіч і Аляксандр Курыловіч. Яны таксама прымалі актыўны ўдзел у спаборніцтвах.