Ля помніка воінам-інтэрнацыяналістаў на вуліцы Ленінскай сабраліся удзельнікі вайны ў Афганістане, прадстаўнікі раённага выканаўчага камітэта і раённага Савета дэпутатаў, ваеннага камісарыята і сілавых структур раёна, працоўных калектываў, грамадскіх арганізацый, моладзі.
На мітынгу “Памяць у сэрцы” выступілі намеснік старшыні райвыканкама Лідзія Шчацінка, ваенны камісар Чэрвеньскага і Бярэзінскага раёнаў падпалкоўнік Дзмітрый Сініцкі, старшыня раённай арганізацыі Беларускага саюза ветэранаў вайны ў Афганістане Віктар Казачонак.
Да помніка воінам-інтэрнацыяналістам усклалі кветкі.
Затым удзельнікі мітынгу наведалі раённы краязнаўчы музей, дзе іх чакала відэапрэзентацыя-аповед пра нашых землякоў, якія загінулі пры выкананні інтэрнацыянальнага абавязку ў Афганістане.
Старшыня раённага Савета дэпутатаў Мікалай Лойка ўручыў Удзячныя лісты воінам-інтрэнацыяналістам Юрыю Смаленскаму і Віктару Казачонку – за актыўную грамадзянскую пазіцыю і вялікі ўклад у патрыятычнае выхаванне моладзі.
Таксама падчас мерапрыемства ў музеі ваенны камісарыят наладзіў урачыстае ўручэнне пасведчанняў прызыўніка групе будучых абаронцаў Айчыны з нашага раёна.
Падрабязнасці чытайце ў суботнім нумары “Раённага весніка”.
Ігар АДАМОВІЧ. Фота аўтара