Паводле звестак райсельгасхарчу на раніцу ўчарашняга дня, гаспадаркі раёна убралі 2167 гектараў азімага рапсу, што складае 37 працэнтаў ад неабходнага. Намалочана 4193 тоны алейнага насення пры сярэдняй ураджайнасці 19,3 цэнтнера з гектара.
Па тэмпах уборкі рапсу наперадзе ПСГ «Дамавіцкі» ААТ «Мінскі падшыпнікавы завод», дзе гэтая культура ўжо абмалочана на 71 працэнце адведзеных пад яе палеткаў. А найбольшую ўраджайнасць маюць у СВФ «Аграбуд» ААТ «Мінскжалезабетон» — 28,1 цэнтнера з гектара.
Гаспадаркі рэалізавалі 727 тон алейнага насення, з іх у лік дзяржзаказу — 389 тон.
Ігар АДАМОВІЧ
