Як паведамілі ў аддзеле адукацыі райвыканкама, з 22 па 24 лютага на базе Мінскага дзяржаўнага абласнога ліцэя адбыўся 17 рэспубліканскі конкурс даследчых работ навучэнцаў па астраноміі, біялогіі, інфарматыцы, матэматыцы, фізіцы і хіміі.
Удзел у ім з работай «Вызначэнне ўтрымання іонаў жалеза і фтору ў пітной вадзе горада Чэрвеня» ў секцыі «Хімія» браў дзесяцікласнік гімназіі №1 імя Караля г.Чэрвеня Ілья Славінскі (настаўніца — Таццяна Іванаўна Хомчык). Ён заваяваў Дыплом трэцяй ступені.
Нагадаем, што такую ж узнагароду таленавіты гімназіст атрымаў і на трэцім (абласным) этапе рэспубліканскай алімпіяды па хіміі, які ладзіўся ў студзені гэтага года.
Святлана АДАМОВІЧ