23 верасня адбыліся выбары дэпутатаў Палаты прадстаўнікоў Нацыянальнага сходу Рэспублікі Беларусь. Як заўсёды, яны прайшлі пры высокай актыўнасці грамадзян нашай краіны. І сёння я хачу выказаць вялікую ўдзячнасць усім выбаршчыкам, усім працоўным калектывам Чэрвеньскага раёна за неабыякавасць да важнай дзяржаўнай кампаніі, за падтрымку, за тое, што даверылі мне прадстаўляць ваш рэгіён і вашы інтарэсы ў Парламенце краіны.
Шаноўныя чэрвеньцы! У сваю чаргу хачу запэўніць вас, што буду дастойна і добрасумленна працаваць у Палаце прадстаўнікоў Нацыянальнага сходу Рэспублікі Беларусь, удзельнічаць ва ўдасканаленні заканадаўства з улікам інтарэсаў усіх грамадзян, па магчымасці вырашаць праблемы сваіх выбаршчыкаў.
Мы, грамадзяне Рэспублікі Беларусь, самі ствараем лёс дзяржавы. Няхай будуць плённымі нашы сумесныя намаганні і прыносяць дабрабыт усім людзям,працвітанне краіне.
Віктар Шчэцька,
дэпутат Палаты прадстаўнікоў Нацыянальнага сходу Рэспублікі Беларусь пятага склікання
