Чэрвеньшчына не засталася ў баку ад сітуацыі, што склалася на беларуска-польскай мяжы. Па ініцыятыве раённай арганізацыі Беларускага саюза жанчын у нядзелю быў аб’яўлены збор гуманітарнай дапамогі для бежанцаў.
На працягу дня неабыякавыя жыхары раёна прыносілі і прывозілі ў Чэрвеньскі тэрытарыяльны цэнтр сацыяльнага абслугоўвання насельніцтва малако, хлеб, кансервы, іншыя прадукты харчавання. Раніцай у панядзелак гуманітарны груз адправілі на мяжу.
Як распавяла старшыня раённай арганізацыі Беларускага саюза жанчын, намеснік старшыні райвыканкама Лідзія Шчацінка, актыўнасць людзей вельмі ўразіла.
– Шмат хто адгукнуўся на наш заклік, – адзначыла яна. – Гэта грамадскія арганізацыі, працоўныя калектывы, сярод якіх варта асабліва вылучыць сацыяльную сферу.
Дзякуй усім і кожнаму паасобку за неабыякавае стаўленне да чужой бяды. Разам мы – сіла.