Крос у гонар нашага земляка касманаўта Алега Навіцкага праходзіць у нашым раёне штогод. Прыемна, што аматараў гэтага мерапрыемства становіцца ўсё больш. Яго ладзілі на Чэрвенскім гарадскім стадыёне. У ім прынялі ўдзел вучні раённых і гарадскіх школ, навучэнцы ліцэя. Многія на стадыён прыйшлі загадзя. Яны знаёміліся, рабілі пробныя забегі і дзяліліся сакрэтамі «правільнага бегу».
У кросе было прадугледжана 12 забегаў. Усіх спартсменаў размеркавалі па групах Першымі беглі дзяўчынкі 2004- 2005 года нараджэння.
У гэтай узроставай катэгорыі першае месца заняла Марго Лазовік (СШ №4), другое Святлана Дзяркач (СШ№2 г. Чэрвеня) і трэцяе — Карына Шапавалава (Хутарская школа).
Сярод дзяўчынак 2002-2003 года нараджэння, якія прынялі эстафету ад папярэдніх спартсменак, першай дасягнула фінішу Таццяна Сушкевіч (Раваніцкая школа), другой прыйшла Карына Канапелька, трэцяй — Наталля Задзіран. Абедзьве— вучаніцы СШ №3 г. Червеня.
Самыя малодшыя дзяўчынкі 2006 года нараджэння і маладзейшыя спаборнічалі ў трэцім забегу. Пераможцам сярод іх стала Валерыя Рогава ( Раваніцкая школа). Яна зноў, як і у мінулым годзе, заняла першае месца. Прызёрам стала Карына Чарнавец. Дзяўчынка атрымала медаль за другое месца. Трэцяе месца у Лізаветы Бярозаўскай. Абедзьве дзяўчынкі — вучаніцы СШ№4 г. Чэрвеня.
Сярод малодшых хлопчыкаў лепшымі сталі вучні раённых школ. Першым да фінішу прыйшоў Ілля Гурскі з Раваніцкай школы. Другім стаў Захар Зайцаў з Запольскай. А Аляксей Карненка з Лядзенскай сярэдняй школы атрымаў медаль за трэцяе месца. Хлопчыкі перадалі эстафету старэйшым дзяўчынкам, 2000-2001 гадоў нараджэння. Сярод іх пераможцам стала Ганна Спарыш з Раваніцкай сярэдняй школы. Другой прыйшла Паліна Сламінец з СШ№4 г.Чэрвеня.
Далей беглі старэйшыя ўдзельнікі кросу ва ўзроставай катэгорыі 1980-1982 гг. нараджэння. Першай прыйшла Наталля Мароз, другой – Наталля Мартыненка.
Таксама першае прызавое месца на дыстанцыі адзін кіламетр заняла Наталля Бабіч, 1977 г.н.
Падлеткі 2004-2005 гадоў нараджэння ўдзельнічалі ў забегу на дыстанцыі два кіламетры. Усіх спартсменаў было дванаццаць. Лепшы вынік паказаў Мікіта Цітавец Мікіта з Раваніцкай сярэдняй школы. Другім дасягнуў фінішу Аляксей Грыбко (СШ №2 г.Чэрвеня). Літаральна на некалькі секунд ад яго адстаў Улад Ігнатчанка (СШ №2 г.Чэрвеня)
Сярод падлеткаў 2002-2003 гг. нараджэння на дыстанцыі два кіламетры першым прыйшоў Максім Гранчык ( СШ№4). Данііл Леванцэвіч са Смілавіцкага ліцэя заняў другое месца, Уладзіслаў Хурсік (СШ№3 г.Чэрвеня) — на трэцім месцы.
Ва ўзроставай катэгорыі 2001 гг. на дыстанцыі два кіламетры пераможцам стаў Павел Крайко са Смілавіцкага ліцэя. Андрэй Краўчанка ( сярэдняй школы №3 горада Червеня), заняў другое месца.
Далей спаборнічалі мужчыны 1995-1999 гг. нараджэння. Першае месца ў Аляксея Марозава, настаўніка фізкультуры сярэдняй школы №4, г.Чэрвеня. Другое месца заняў Міхаіл Тарасік , супрацоўнік Чэрвенскага РАУС. Трэцяе месца — у Паўла Марозава, настаўніка фізкультуры сярэдняй школы №4, г.Чэрвеня.
Сярод 1998-80 гг. нараджэння першае месца атрымаў Улад Аляксандраў, з ліцэя.
Завяршалі спаборніцтва дарослыя — мужчыны 1979 гг. нараджэння. Сярод іх месцы размеркаваліся нступным чынам: першае — у Аляксандра Верына, супрацоўніка Чэрвенскага ДАСААФ. Медаль за другое месца атрымаў Валерый Ладуцька.
Усе пераможцы спаборніцтва атрымалі памятныя медалі.
