На Чэрвеншчыне засеялі яравымі зерневымі культурамі ўжо больш за чвэрць палеткаў

Аграрный сектор Актуальное

Паводле звестак райсельгасхарчу на сённяшнюю раніцу, яравыя зерневыя культуры пасеяны па раёну на 2410 гектарах, што складае 25,5 працэнта ад неабходнага. У адкрытым акцыянерным таварыстве «Раванічы» гэты від работ ужо выкананы на 32,1 працэнта.

Механізатар на сяўбе Ігар Ігнатовіч

– Вядзём ўвесь комплекс веснавых палявых работ, – распавядае галоўны аграном гаспадаркі Леанід Кавалёў. – На ворыве задзейнічаны механізатар Дзяніс Гуськоў, на закрыцці вільгаці – Андрэй Навіцкі і Вячаслаў Ніціеўскі, на падрыхтоўцы глебы – Валерый Гурыновіч і Юрый Мазайскі, на сяўбе – Ігар Ігнатовіч і Юрый Сасункевіч, на ўнясенні мінеральных угнаенняў – Аляксандр Маслоўскі, Яўген Ладуцька і Валерый Бярдзянаў.

Механізатар на сяўбе Юрый Сасункевіч

Вялікіх праблем па тэхніцы няма. Нязначныя паломкі аператыўна ўхіляе мабільнае рамонтнае звяно. Тэмпы сяўбы маглі б быць больш высокімі, але запасаў паліва няма, працуем, як кажуць “з колаў”…

Шмат клопатаў падчас пасяўной і ў старшыні прафкама гаспадаркі Тамары Цітавец. Адзін з іх – інфармацыйнае забеспячэнне.

Старшыня прафкама гаспадаркі Тамара Цітавец

– Уся неабходная ўдзельнікам веснавых палявых работ інфармацыя змешчана на адмысловых стэндах у дыспетчарскай, – кажа яна. – Тут і расцэнкі, і дзённыя заданні, і ўмовы ўнутрыгаспадарчага спаборніцтва. Штодня абнаўляю экраны заработнай платы і спаборніцтва, каб механізатары і вадзіцелі маглі пацікавіцца, колькі зарабілі за папярэдні дзень і хто – у лідарах па відах работ. У гонар перадавікоў уздымаецца Сцяг працоўнай славы пры ўваходзе на машынны двор.

Таксама займаюся арганізацыяй харчавання ўдзельнікаў пасяўной. Пакуль што возім у поле абеды, але з падаўжэннем рабочага дня будзе і вячэра. Пры гэтым 70 працэнтаў выдаткаў на харчаванне бярэ на сябе гаспадарка…

Адметная асаблівасць сёлетніх веснавых палявых работ для гаспадаркі ў тым, што ў яго аператыўным кіраванні знаходзіцца сельгаспрадпрыемства “Ганута-Агра”. А гэта – яшчэ такі ж аб’ём яравога зерневага кліну. Аднак дырэктар ААТ “Раванічы” Сяргей Кіпець перакананы, што сумеснымі намаганнямі гануцкіх і раваніцкіх земляробаў пасяўная там завершыцца ў належныя агратэхнічныя тэрміны.

Ігар АДАМОВІЧ. Фота аўтара   



1 комментарий по теме “На Чэрвеншчыне засеялі яравымі зерневымі культурамі ўжо больш за чвэрць палеткаў

  1. Входить в рабочий ритм на земле всегда трудно после зимней передышке, но надо собрать волю и силы в кулак и посеять наш хлеб, чтобы потом не стоять с протянутой рукой, а быть спокойными что есть, что есть и можно спокойно развиваться в других направлениях более высокотехнологичных и инновационных.

Добавить комментарий

Ваш e-mail не будет опубликован. Обязательные поля помечены *