Салодкія навагоднія падарункі ад сумеснага адкрытага акцыянернага таварыства «Камунарка» атрымалі на гэтым тыдні 305 выхаванцаў Чэрвеньскага дома-інтэрната для дзяцей-інвалідаў і маладых інвалідаў з асаблівасцямі псіхафізічнага развіцця.
Мерапрыемства было наладжана па ініцыятыве і пры ўдзеле дэпутата Палаты прадстаўнікоў Нацыянальнага сходу РБ, старшыні пастаяннай камісіі па аграрнай палітыцы Віктара Шчэцькі ў рамках рэспубліканскай дабрачыннай акцыі «Нашы дзеці». Разам з ім на навагодняе прадстаўленне ў дом-інтэрнат завіталі намеснік генеральнага дырэктара сумеснага ААТ «Камунарка» Аляксандр Сільчанка і старшыня Чэрвеньскага раённага Савета дэпутатаў Валянціна Тарасік.
— Праводзячы акцыю, мы хацелі падарыць дзецям і моладзі інтэрната, якім не хапае бацькоўскай увагі і пяшчоты, цеплыню сваіх сэрцаў. Мяркуючы па тым, як шчыра яны радаваліся, нам гэта ўдалося, — адзначыў Віктар Шчэцька.
Ігар АДАМОВІЧ.
Фота Ларысы ЕФІМЕНКА