Як вядома, кожны тата ці мама марыць пра тое, каб іх дзеці ў дзіцячым садку былі не толькі накормленыя і дагледжаныя, але і гарманічна развіваліся. Вось і бацькоўскі камітэт нашага садка на чале з Яўгеніяй Марозавай вырашыў праявіць ініцыятыву і знайсці фундатара, які б дапамог садку набыць музычны цэнтр.
З такой просьбай яны звярнуліся да індывідуальнага прадпрымальніка Фелікса Грыгарана. І ён сапраўды дапамог матэрыяльна! Гэты музычны цэнтр для нас — цудоўны набытак!
Сардэчна дзякуем шаноўнаму Феліксу Шагенавічу за яго шчодрасць, а бацькоўскаму камітэту — за ініцыятыву, даведзеную да свайго лагічнага завяршэння.
Са шчырай павагай — Ірына КУЧЫНСКАЯ,
загадчыца Любішынскага дзіцячага сада
***
У аддзяленні тэрапіі Чэрвеньскай цэнтральнай раённай бальніцы мяне добра лячылі, глядзелі за мной урачы Яўген Сітчыхін і Андрэй Гурыновіч, медсёстры Юлія Хурсевіч і Ала Баранава, працэдурная медсястра Таццяна Калтовіч, санітаркі Таццяна Шышонак і Людміла Канаш. Дзякуй вам, дарагія нашы медыцынскія работнікі, за тое, што дапамагаеце нам, састарэлым, за вашу нялёгкую працу. Ад усёй душы жадаю вам моцнага здароўя і дабрабыту.
Са шчырай павагай — Міхаіл ТАБОЛІН,
пенсіянер, г.Чэрвень
