Першачарговая ўвага была звернута на выкананне дзённага задання па вытворчасці малака. У прыватнасці, строга запатрабавана з кіраўнікоў, якія дапусцілі зніжэнне гэтага паказчыка (СГК «Велікаполле», ААТ «Запольскае»), а таксама прамаруджваюць з нарыхтоўкай кармоў і не вытрымліваюць тэхналогію іх закладкі ў сянажныя ямы.
Другое пытанне, на якім сканцэнтраваў увагу актыву раёна Іван Муха, — добраўпарадкаванне. У прыватнасці, участкаў трасы Мінск-Магілёў і Чэрвень-Смалявічы. Са справаздачай аб зробленым тут за мінулы тыдзень старшыня райвыканкама заслухаў старшыню раённага Савета дэпутатаў Валянціну Тарасік і намесніка старшыні райвыканкама па сацыяльнай сферы і ідэалогіі Алу Шахоцька, якія прызначаны адказнымі за арганізацыю гэтых работ.
З інфармацыяй аб выкананні прагнозных паказчыкаў за 5 месяцаў выступілі намеснік старшыні райвыканкама па эканоміцы, начальнік аддзела эканомікі Алена Шлома і начальнік аддзела па эканоміцы і рыначных адносінах упраўлення сельскай гаспадаркі і харчавання Аляксандр Каратчэня.
Л.ЦІТАЎК