Анастасія Віннікава, гр.”Топлес”, Ксенія Сітнік, гр.”Дразды”, Аляксей Хлястоў і іншыя беларускія майстры мастацтваў прымалі ўдзел у гала-канцэрце рэспубліканскай акцыі «Беларусь у маім сэрцы». Дарэчы, гэта быў завяршаючы этап рэспубліканскай акцыі, якому папярэднічалі канцэрты ва ўсіх абласных цэнтрах краіны. Амаль усе выканаўцы выступалі ў суправаджэнні рэгіянальных танцавальных калектываў.
Магчымасць пабываць на гэтым мерапрыемстве выпала і чэрвенцам. Дэлегацыя, якая складалася з рабочай моладзі горада Чэрвеня і раёна, а таксама студэнтаў Смілавіцкага дзяржаўнага аграрнага каледжа і Смілавіцкага сельскагаспадарчага ліцэя з бадзёрым настроем ў чаканні захапляльнага відовішча выехала ў Мінск. І сапраўды там, на танцполе мінскага футбольнага манежа, было вельмі весела. Вядучыя і артысты ўвесь час стараліся «завесці» гледачоў, а тыя, у сваю чаргу, адказвалі не толькі апладысментамі, але нават і свістам, бо асноўная аудыторыя-гэта актыўная моладзь.
Удзельнікі паездкі атрымалі шмат станоўчых эмоцый і ўспамінаў. Дэлегаты шчыра дзякуюць арганізатарам паездкі — кіраўніку аддзела па справам моладзі Таццяне Нагорнай і першаму сакратару Чэрвеньскага РК БРСМ Яўгеніі Марозавай.
Кацярына Шумко,
студэнтка 5 курса Інстытута журналістыкі БДУ, фота аўтара