Напрыканцы жніўня ў нашым сельскім Доме культуры з паўтарагадзінным канцэртам выступіў таленавіты юнак, ураджэнец вёскі Рудня Андрэй Хурсевіч. Кожны нумар (а гэта эстрадныя і народныя песні на рускай, беларускай, англійскай мовах) вяскоўцы сустракалі шчырымі апладысментамі. Наш госць здолеў так «запаліць» залу, што многія падпявалі і падтанцоўвалі. Цудоўны канцэрт напоўніў сэрцы слухачоў самымі шчырымі пачуццямі. Дзякуй табе, Андрэй, за талент! І яшчэ сардэчна дзякую мастацкаму кіраўніку нашага сельскага Дома культуры Алене Пракаповіч, якая арганізоўвае цікавыя мерапрыемствы і заўсёды запрашае на іх нас, пенсіянераў. Такая ўвага вельмі кранае…
Валянціна ЗЕНЧЫК,
стараста в.Чарнаградзь
спасибо за такие теплые слова! Надеюсь мы встречаемся не первый и последний раз! Спасибо