Набірае тэмпы ўборка рапсу ў раёне. Ён займае 4030 гектараў. Па стану на ўчарашні дзень скошана ўжо 2444 гектары, што складае 61 працэнт ад неабходнага. Намалочана 4021 тона зерня. Сярэдняя ўраджайнасць — 16,5 цэнтнера з гектара.
Найбольшая яна — у сельскагаспадарчым філіяле «Аграбуд». Тут кожны з 75 убраных гектараў рапсу даў па 30,9 цэнтнера зерня. Намалочана яго 232 тоны. Работа спорыцца. Днямі ў філіяле завершаць жніво гэтай каштоўнай сельскагаспадарчай культуры на астатніх 35 гектарах.
26,9 цэнтнера зерня рапсу з гектара атрымліваюць у сельгасфіліяле «Велікаполле». Тут ён займае 190 гектараў. Убрана 71. На трэцім месцы па ўраджайнасці эксперыментальная база «Натальеўск» — 19 цэнтнераў з гектара.
Адначасова гаспадаркі пастаўляюць зерне рапсу дзяржаве. Пры плане 3000 тон яго рэалізавана 652. А сельгасфіліял «Дамавіцкі» ужо выканаў сваё заданне, паставіўшы 55 тон зерня рапсу пры плане 50.
А.РУЖЫН
