23 ліпеня ў раёне шэсць ініцыятыўных груп пачалі збор подпісаў за вылучэнне прэтэндэнтаў у кандыдаты на пост Прэзідэнта Рэспублікі Беларусь.
Гэты этап выбарчай кампаніі працягнецца да 21 жніўня ўключна. Прэтэндэнты павінны сабраць сто тысяч подпісаў выбаршчыкаў, каб быць зарэгістраванымі ў якасці кандыдата ў прэзідэнты.
Найбольш актыўна ў раёне збор подпісаў праводзяць члены ініцыятыўнай групы №1 у падтрымку Аляксандра Рыгоравіча Лукашэнкі. Прадстаўнікі іншых ініцыятыўных груп прапануюць таксама жыхарам раёна паставіць подпісы за Мікалая Улаховіча, Віктара Цярэшчанку, Сяргея Гайдукевіча.
Паліна Польская