Пад такой назвай сумесна з вучнямі Краснадарскай школы мы зладзілі ў нашым цэнтры канцэрт. У ім прагучалі песні ваенных гадоў — «Казакі ў Берліне», «Тальяначка», «Кацюша», «Сіняя хусцінка» ў выкананні Насці Тыркіч, Паліны Сілівончык, Лены Шыцько, Улады Крывулька. А ўся зала дружна падпявала. Трыа хлопчыкаў у складзе Валеры Мельдзяшова, Сашы Малькевіча і Сашы Прыходзькі выканалі песню «Тры танкісты». А Мікіта Шастак, Яна Манулік, Лёша Кадун, Улад Васько, Сняжана Мясаедава і Улад Сілівончык прачыталі вершы пра вайну. Напрыканцы канцэртнай праграмы прагучала песня «Сонечны круг» у выкананні самых маленькіх артыстаў.
Жыхарка вёскі Вольга Паўлаўна Цалуйка распавяла пра цяжкія пасляваенныя гады і пажадала маладому пакаленню любіць сваю Радзіму, берагчы яе.
Я шчыра ўдзячна вучням і ўсім жыхарам нашай вёскі за цёплы прыём, які яны наладзілі самадзейным артыстам.
дырэктар Краснадарскага цэнтра вольнага часу і адпачынку
Фота Аляксандра ПІКУЛІКА