Учора футбалісты чэрвеньскага “Коласа” правялі першую паўтарагадзінную трэніроўку ў рамках падрыхтоўкі да чэмпіянату Беларусі сярод каманд другой лігі. Яна адбылася на комплексе палёў ФК “Мінск” у сталіцы нашай краіны.
Кіраўнік каманды Дзмітрый Чысты прадставіў новага трэнера “Коласа”. Ім стаў Дзяніс Трапашка.
У трэніроўцы ўдзельнічаў 21 футбаліст. Сярод іх – як ігракі, якія гулялі за “Колас” у мінулым сезоне, так і тыя, хто запрошаны ў каманду на прагляд.