Дарожна-транспартнае здарэнне са смяротным зыходам адбылося апоўдні 13 мая на шашы “Смалявічы – Смілавічы – Праўдзінск – Шацк” ля вёскі Гудавічы Чэрвеньскага раёна.
Як паведамілі “Раённаму весніку” ў Дзяржаўтаінспекцыі Чэрвеньскага РАУС, тут сутыкнуліся грузавы аўтамабіль “МАЗ”, які выязджаў з боку вёскі, і легкавы аўтамабіль “Сітраен”, які рухаўся па шашы ў бок Смілавічаў. Пасажыр “Сітраена”, жыхар Смалявіцкага раёна, 1972 года нараджэння, загінуў на месцы, а яго вадзіцель, 2002 года нараджэння, з траўмамі шпіталізаваны. Вадзіцель “МАЗа”, жыхар вёскі Заполле, 1989 года нараджэння, не пацярпеў.
Акалічнасці здарэння высвятляюцца.
Фота прадастаўлена ДАІ Чэрвеньскага РАУС