На раніцу 21 жніўня ў сельгаспрадпрыемстве абмалацілі зерневыя культуры на 98 працэнтах палеткаў. Ураджайнасць збожжа складае 47 цэнтнераў з гектара.
Як распавёў “Раённаму весніку” дырэктар СВФ “Аграбуд” Арцём Анціфееў, добрым падспор’ем стала сёлета для гаспадаркі набыццё інвестарамі – адкрытым акцыянерным таварыствам “Мінскжалезабетон” –новага высокапрадукцыйнага камбайна “КЗ-16” на ўмовах лізінгу. Гэтая тэхніка замянілі адразу два старэнькія “КЗС-10”.
З першых дзён жніва гаспадарка вяла адгрузку збожжа ў лік дзяржзаказу. Ён – самы вялікі сярод сельгаспрадпрыемстваў раёна – 1800 тон. Фактычна ж хлебаробы сельгасфіліяла рэалізавалі дзяржаве 2143 тоны харчовага збожжа. Таксама добрыя намалоты дадуць гаспадарцы магчымасць цалкам забяспечаць патрэбы жывёлагадоўлі ў фуражы, што дазволіць не купляць дарагія канцэнтраваныя кармы, а рыхтаваць іх на месцы. Збожжа, што застанецца, пойдзе на продаж, а выручаныя грошы – на далейшую мадэрнізацыю вытворчасці.
