Яе мэта — папярэдзіць гібель людзей у аўтааварыях. Падчас акцыі арганізаваны ўзмоцнены нагляд за дарожным рухам з прымяненнем схаванага кантролю.
Аналіз аварыйнасці на дарогах раёна сведчыць аб тым, што нярэдка дарожна-транспартныя здарэнні здзяйсняюцца з-за перавышэння або няправільнага выбару вадзіцелямі хуткасці руху. Па гэтай прычыне сёлета на Чэрвеньшчыне здзейснена 5 здарэнняў (71 працэнт ад агульнай колькасці), у якіх 7 чалавек атрымалі раненні.
Дзяржаўтаінспекцыя заклікае вадзіцеляў быць абачлівымі і дысцыплінаванымі на дарозе і нагадвае, што перавышэнне ўстаноўленай хуткасці руху караецца штрафам у памеры ад адной да дзесяці базавых велічынь (у залежнасці ад велічыні перавышэння), За паўторнае на працягу года падобнае парушэнне штраф складае ад 5 да 15 базавых велічынь. Таксама парушальнік можа быць пазбаўлены права кіравання транспартнымі сродкамі на тэрмін да аднаго года.
Алег ХАЙКО, выконваючы абавязкі старшага інспектара дарожна-патрульнай службы ДАІ Чэрвеньскага РАУС