Не да першакрасавіцкіх жартаў было сёння жыхарам вёскі Тадулічы. Пасля апоўдня тут надарыўся пажар.
На яго тушэнні было задзейнічана шэсць адзінак тэхнікі.
Полымя знішчыла тры хлявы і пашкодзіла дах жылога дома. Сам дом, яшчэ адну гаспадарчую пабудову і лазню ратавальнікам удалося захаваць.
Як паведаміла «Раённаму весніку» інспектар групы прапаганды і навучання Чэрвенскага РАНС Юлія Максіменя, устаноўлена, што ўзгаранне адбылося з-за неасцярожнага абыходжання з агнём пры спальванні смецця гаспадаром аднаго з хлявоў. Ён будзе прыцягнуты да адміністрацыйнай адказнасці. Максімальны штраф, які прадугледжаны заканадаўствам за падобнае правапарушэнне – 50 базавых велічынь.
І. УЛАДЗІМІРАЎ. Фота Генадзя СІЛЬВАНОВІЧА
