У мінулую пятніцу першую прэс-канферэнцыю на пасадзе старшыні аблвыканкама Мінскай вобласці для журналістаў рэспубліканскіх, абласных і рэгіянальных сродкаў масавай інфармацыі правеў Сямён Барысавіч Шапіра. Яна пачалася не зусім звычайна — з выездам у Дзяржынскі раён.
Як адзначыў старшыня Мінаблвыканкама, падобныя сустрэчы з журналістамі цяпер будуць мець менавіта такі фармат. Гэта, па яго меркаванню, дазволіць журналістам лепш даведацца пра рэгіёны вобласці, пазнаёміцца з вядучымі прамысловымі і сельскагаспадарчымі аб»ектамі, зрабіць параўнальны аналіз развіцця эканомікі раёнаў. Мерапрыемства пачалося са знаёмства з трыма аб»ектамі раёна: цэнтрам экалагічнага турызму «Станькава», ТАА «Салео» і ААТ «Дзяржынская швейная фабрыка».
Цэнтр «Станькава» заснаваны зусім нядаўна, але заваяваў папулярнасць нават за межамі рэспублікі. Кожны аб»ект яго заслугоўвае асаблівай ўвагі. Ен выклікае цікавасць у дзяцей і дарослых. Тут створаны заасад з жывёламі і птушкамі, конеферма, ваенна-гістарычныя комплексы, экалагічны парк. Можна лавіць рыбу, паляваць, наведаць сафары-парк. Акрамя таго, створаны ўсе ўмовы для камфартабельнага адпачынку. Пры гэтым і цэны для наведвання розных пляцовак даступныя.
Затым журналістаў чакалі на прадпрыемстве «Салео», якое спецыялізуецца па выпуску гідраўлічнай прадукцыі для мабільнай тэхнікі . Уразіла не толькі высокая культура вытворчасці, але і амаль хірургічная чысціня ў цэхах, сучаснае абсталяванне, кваліфікаваныя рабочыя. Пры планавай колькасці работнікаў 180 чалавек выручка ад рэалізацыі прадукцыі в мінулым годзе склала 54,5 мільярда рублёў, а сярэднемесячная зарплата — 8 мільёнаў рублёў.
Асаблівую цікавасць выклікала і швейная фабрыка «Эліз», якая выпускае мужскую і дзіцячую вопратку, гальштукі. Многія нават набылі ў фірменным магазіне па невялікай цане прыгожае моднае адзенне. У перспектыве плануецца рэалізоўваць прадукцыю не толькі ў 10 фірменных магазінах вобласці, але і праз інтэрнэт магазін. Дарэчы, швейная фабрыка аказвае і спонсарскую дапамогу, у тым ліку і абодвум Чэрвеньскім дамам-інтэрнатам.
Пра дынаміку развіцця Дзяржынскага раёна, сацыяльна-эканамічных паказчыках журналістам падрабязна расказаў старшыня Дзяржынскага райвыканкама М.І.Арцюшкевіч. Як ен адзначыў, у раёне забяспечаны прырост па большасці прагнозных паказчыкаў, у тым ліку і па заработнай плаце. А па выніках 2013 года нараджальнасць перавысіла смяротнасць, што сведчыць аб даволі высокім узроўні жыцця на Дзяржыншчыне.
Пытанні, якія задалі журналісты падчас прэс-канферэнцыі старшыні аблвыканкама, тычыліся самай рознай тэматыкі — ад перспектыў развіцця Мінскай вобласці да прынцыпаў кадравай палітыкі. Трэба адзначыць, што Сямён Барысавіч не абмяжоўваў стасункі вызначаным часам і шчыра адказваў на пытанні прадстаўнікоў сродкаў масавай інфармацыі. У прыватнасці, на пытанне аб выніках мінулага года і перспектывах на 2014, ен адзначыў, што атрымаў у нашчадак моцную, развітую вобласць. Летась яна мела самы вялікі ў краіне аб»ем валавага рэгіянальнага прадукта. Разам з тым знізіліся паказчыкі па сельскай гаспадарцы. Яе трэба падымаць на новы ўзровень.
Цяпер, па яго словах, асаблівую ўвагу трэба ўдзяліць пасяўной кампаніі.
Задаваліся пытанні па колькасці інвестпраектаў, рэалізуемых у вобласці, росце экспартнага патэнцыялу, долі бізнесу ў бюджэце вобласці, кадравай палітыцы, падрыхтоўцы месц для размяшчэння гасцей у дні правядзення чэмпіянату па хакею. Асаблівую цікавасць выклікала пытанне правядзення абласных «Дажынак» у новым фармаце. У прыватнасці, губернатар адзначыў неабходнасць комплекснага падвядзення вынікаў работы сельскай гаспадаркі, заахвочвання работнікаў усіх галін аграпрамысловага комплексу. Лепшы па выніках сацыяльна-эканамічнага развіцця раён вобласці атрымае 400 мільярдаў рублёў. «Гэтыя сродкі, — адзначыў Сямён Шапіра, — будуць выдзелены напрамую з абласнога бюджэту.»
Людміла РАБЕЦКАЯ
