Ніхто з нас, як кажуць, не застрахаваны ад хвароб. Так здарылася і ў нашай сям’і. І, як заўсёды, на дапамогу прыйшлі медыкі — людзі, неабыякавыя да чужой бяды, усёй душой адданыя сваёй справе.
Менавіта такі ўрач працуе ў бальніцы г.п.Смілавічы. Гэта — педыятр Святлана Міхайлаўна Бачкова. Дзякуючы яе высокаму прафесіяналізму, уважлівасці, вопыту і майстэрству, мой сын Вадзім Юшчанка атрымаў своечасовую медыцынскую дапамогу.
Сардэчна дзякуем шаноўнай Святлане Міхайлаўне, жадаем поспехаў у працы і моцнага здароўя.
Са шчырай павагай — сям’я ЮШЧАНКАЎ, г.п.Смілавічы
