На гэтым тыдні на базе Чэрвеньскага гароднінасушыльнага завода адбыўся семінар на тэму: «Практычнае прымяненне камерцыйнымі арганізацыямі гібкіх умоў аплаты працы работнікаў». У ім прынялі удзел прадстаўнікі ўпраўленняў па працы, занятасці і сацыяльнай абароне Бярэзінскага, Жодзінскага, Крупскага, Смалявіцкага, Дзяржынскага, Барысаўскага, Пухавіцкага райвыканкамаў, а таксама кіраўнікі і спецыялісты з 30 камерцыйных арганізацый нашага раёна.
Удзельнікі пазнаёміліся з работай завода, экскурсію па якому правёў яго дырэктар Мікалай Шыфрын, а з інфармацыі намесніка старшыні па эканоміцы, начальніка аддзела эканомікі райвыканкама Алены Шлома даведаліся аб развіцці прадпрымальніцтва ў раёне. Затым удзельнікі семінара абмяняліся вопытам па ўкараненню тарыфных сетак, распрацаваных у арганізацыях раёнаў, іншых гібкіх умоў аплаты працы.
У рабоце семінара прыняла ўдзел і выступіла па азначанай тэме намеснік старшыні камітэта па працы, занятасці і сацыяльнай абароне Мінаблвыканкама Алена Помазава.
Людміла ДЗЯДЗЮК,
намеснік начальніка аддзела працоўных адносін упраўлення па працы,
занятасці і сацыяльнай абароне райвыканкама