На вадаёмах ля вёсак Натальеўск і Хваеншчына загінула рыба. Пасля раставання лёду на Натальеўскім возеры адкрыўся жахлівы малюнак: пры беразе ляжалі шматкілаграмовыя тушы карпаў, вялікая колькасць дробязі — верхаводкі, акуня, плоткі. На Хваеншчыне таксама вымерлі вялізныя карпы, а таксама шчупакі, дробязь акуня.
Як паведаміў «Раённаму весніку» начальнік раённай інспекцыі прыродных рэсурсаў і аховы навакольнага асяроддзя Валянцін Пузанкоў, на абодвух вадаёмах узяты пробы вады для гідрахімічнага аналізу. Гэта павінна дапамагчы вызначыць прычыны гібелі рыбы. Магчымых варыянтаў два: замор з-за недастатковай колькасці кіслароду ў вадзе, або атручэнне забруджвальнымі рэчывамі.
Ігар АДАМОВІЧ. Фота аўтара