Сёлета ў раёне 1296 участкаў у насельніцтва занята збожжавымі, у асноўным пшаніцай. Гэта складае 462 гектары. На панядзелак, 29 верасня, ужо ўбрана 329,8 гектары прыватных сотак, або 71,3%, намалочана 1117,1 тоны пры ўраджайнасці 33,9 цэнтнеры з гектара.
Па словах галоўнага спецыяліста па закупу і якасці сельгаспрадукцыі упраўлення сельскай гаспадаркі і харчавання Любові Булойчык, сёлета з асабістых падвор»яў будзе атрымана больш за 1300 тон збожжа. Гэта важны і каштоўны ўклад у агульны валавы намалот.
— Жніво прысядзібных участкаў арганізавана дакладна. — расказвае галоўны спецыяліст раённага Савета дэпутатаў Зінаіда Шыфрына. — Насельніцтва па дапамогу звяртаецца ў сельскія саветы або ў гаспадарку. Вызначаецца графік чарговасці. Старшыні сельвыканкамаў трымаюць пытанне на кантролі і каардынуюць работу. У кожнай гаспадарцы свае разлікі. Як правіла, гэта ад двух да пяці тысяч. Многія прадастаўляюць льготы для сваіх працаўнікоў. А некаторыя ветэранам і ўдзельнікам вайны выканалі гэтую работу бясплатна. Усе заяўкі задавальняюцца без прамаруджвання i якасна.
Сёлета ў раёне раней, чым летась пачалося «малае жніво». Восем гаспадарам — ААТ «Крыніца Ігуменшчыны», «Краснадарскі» , «Раванічы», “Чэрвеньскі райаграсервіс”, “Дамавіцкі”, СВГ “Велікаполле”, “Аграбокс” КСУП “Эксперыментальная база “Натальеўск” яго ўжо завяршылі. Набліжаецца да завяршэння гэтая работа на тэрыторыях Руднянскага і Чэрвеньскага сельсаветаў. Апошнія гектары вяскоўцаў будуць абмалочаны ў першыя дні верасня.
Л.Цітаўка
