Уручыў іх у трэцяй чэрвеньскай школе старшыня раённай арганізацыі аб’яднання Сяргей Кучынскі. Гэтая школа — першая ў раёне, дзе была створана пярвічка. У яе ўвайшлі 12 настаўнікаў, якія, праяўляючы вялікую свядомасць, сваім прыкладам паказваюць вучням асабістую актыўную пазіцыю. Узначаліла пярвічку Ніна Іванаўна Аношка, выкладчык выяўленчага мастацтва і чарчэння.
Як зазначыў Сяргей Кучынскі, планаў і задумак у раённай арганізацыі шмат. У прыватнасці, будзе доўжыцца акцыя па раздачы флікераў вучням малодшых класаў. Таксама ў бліжэйшы час распачнецца збор цацак для дзетак, якія вымушаны знаходзіцца ў інтэрнатах…
— Важна, каб падрастаючае пакаленне бачыла, як працуе аб’яднанне, на што скіроўвае свае намаганні. Бо цяперашнія вучні — наша будучая змена, і ў хуткім часе ім будаваць краіну, — падкрэсліў Сяргей Кучынскі.
Эма МІКУЛЬСКАЯ.
Фота аўтара