Як паведамілі ў райсельгасхарчы, па стану на 19 верасня гаспадаркі назапасілі ў сярэднім па 19,72 цэнтнера кармавой адзінкі на ўмоўную галаву жывёлы.
Гэта на 6,18 цэнтнера больш, чым на такі ж час летась. Найлепшую забяспечанасць кармамі маюць у ААТ “Чэрвеньскі райаграсервіс” – 24,35 цэнтнера кармавой адзінкі на ўмоўную галаву жывёлы (плюс 9,05 да адпаведнага перыяду мінулага года).
Зараз у гаспадарках убіраюць кукурузу на сілас. Усяго па раёну назапасілі 52255 тон гэтага віду кармоў (у тым ліку 50826 тон – з кукурузы), што складае 37 працэнтаў ад неабходнага. У СВФ “Аграбуд” ААТ “Мінскжалезабетон” ужо забяспечны сіласам на 58,9 працэнта, у ААТ “Раванічы” – на 55,4, у ААТ “Чэрвеньскі райаграсервіс” – на 50,3 працэнта.