Вечарам 31 кастрычніка чэрвеньскія ратавальнікі атрымалі паведамленне аб загаранні саломы на палетку сельгаспрадпрыемства “Валевачы” ля вёскі Ялча.
На момант прыбыцця да месца выкліку гарэлі дзве сцірты, існавала пагроза распаўсюджвання полымя на трэцюю. Ратавальнікам дапамагалі тушыць пажар дзве адзінкі тэхнікі гаспадаркі: пагрузчык «Амкадор» і трактар з плугам.
Полымя знішчыла 180 тон саломы, яшчэ 90 удалося выратаваць. Як паведаміла “Раённаму весніку” інспектар сектара прапаганды і ўзаемадзеяння з грамадскасцю Чэрвеньскага раённага аддзела па надзвычайных сітуацыях Юлія Мурашка, папярэдняя прычына пажару – неасцярожнае абыходжанне з агнём неўстаноўленай асобы.
Фота Чэрвеньскага РАНС
