Намеснік начальніка Чэрвеньскага РАУС па ідэалагічнай рабоце і кадраваму забеспячэнню Сяргей Качановіч ( на здымку – сядзіць у цэнтры) у складзе зборнай каманды Міністэрства ўнутраных спраў Рэспублікі Беларусь стаў пераможцам 22-га міжнароднага турніру па міні-футболу, прысвечанага памяці абаронцаў Брэсцкага чыгуначнага вакзала.
Каманда, за якую ён гуляў, на групавым этапе выйграла ў футбалістаў Брэсцкага аддзялення Беларускай чыгункі – 1:0 і зборнай Камітэта судовых экспертыз па Брэсцкай вобласці – 7:0, а ў фінале была мацнейшай за каманду Дэпартамента паліцыі на транспарце Рэспублікі Казахстан – 5:2.