Першы сёлета выпадак гібелі падчас пажару надарыўся ў Чэрвеньскім раёне.
Трагедыя адбылася 30 сакавіка ў вёсцы Чырвоная Слабада Лядзенскага сельсавета. Тут незадоўга да апаўночы загарэўся дом, у якім жылі 83-гадовая гаспадыня і яе 61-гадовы сын. На момант прыезду першых ратавальнікаў у будынку абрынуўся дах.
Як распавялі “Раённаму весніку” ў раённым аддзеле па надзвычайных сітуацыях, мужчына прачнуўся ад паху дыму і паспеў вынесці маці з суседняга пакоя на вуліцу. На жаль, выратаваць яе жыццё не ўдалося.
Прычына пажару ўстанаўліваецца.