23 кастрычніка каля 5 гадзін 20 хвілін раніцы чэрвеньскія ратавальнікі атрымалі паведамленне аб загаранні сцірты саломы ля вёскі Астравы.
Як паведаміла “Радыёвесніку” інспектар сектара прапаганды і ўзаемадзеяння з грамадскасцю Чэрвеньскага РАНС Алена Немагай, сцірта вагою каля 40 тон была размешчана ў полі на адлегласці каля 500 метраў ад жывёлагадоўчай фермы ААТ “Чэрвеньскі райаграсервіс”.
Полымя знішчыла салому цалкам. Меркаваная прычына ўзгарання – падпал. Вінаватыя асобы ўстанаўліваюцца.