У вёсцы Запасенне ў Доме сацыяльных паслуг прайшла ўжо традыцыйная сустрэча вяскоўцаў з работнікамі Чэрвеньскага тэрытарыяльнага цэнтра сацыяльнага абслугоўвання насельніцтва. Мерапрыемства было падрыхтавана сумесна з сельскім Саветам, іншымі установамі, арганізацыямі раёна. Усе жадаючыя маглі тут жа, на месцы, атрымаць кансультацыі спецыялістаў.
Старшыня Валевачоўскага сельвыканкама Алена Чыканоўская і намеснік дырэктара ААТ «Валевачы» Галіна Новік адказалі на пытанні вяскоўцаў. Інспектар па асноўнай дзейнасці Алена Сныткова распавяла пра дзейнасць цэнтра, у прыватнасці пра работу аддзялення сацыяльнай дапамогі на даму. Бібліятэкар Чарнаградскай сельскай бібліятэкі Антаніна Бябічава раздала прысутным часопісы, а калектыў народнай песні «Скарбніца» для вяскоўцаў падрыхтаваў канцэртную праграму. Выязны гандаль прамысловых тавараў падчас мерапрыемства зладзіў комплексны прыёмны пункт вёскі Чарнаградзь.
Напрыканцы сустрэчы адбылося чаяпіцце, і ні адзін з прысутных не застаўся без падарунка ад цэнтра.
Даведка: у Чэрвеньскім раёне дзейнічаюць 11 Дамоў сацыяльных паслуг, першы з іх адкрыўся ў 2002 годзе. З’яўленне такіх аб’ектаў дазволіла вырашыць многія сацыяльна-бытавыя праблемы вяскоўцаў. У 2013-м годзе 118 чалавек скарысталіся іх паслугамі.
Таццяна АДЗІНЕЦ,
загадчык аддзялення
сацыяльнай дапамогі
на даму.
Здымкі
прадастаўлены цэнтрам
Большое СПАСИБО Червенскому центру социального обслуживания населения и Валевачевскому сельсовету за вот такие встречи. С какой радостью и воодушевлением рассказывали жители села Запасенне про эту встречу, концерт и чаепитие. Каждый год они с нетерпением ждут этой встречи.