У Чэрвеньскім прафесійным будаўнічым ліцэі прайшоў другі этап спартакіяды працоўных калектываў раёна. Праграма спаборніцтваў уключала ў сябе міні-футбол, армрэслінг, шашкі, дартс і перацягванне каната.
У камандным заліку па відах спорту пераможцамі сталі: па армрэслінгу і перацягванню каната — Чэрвеньскі філіял «Беларусбанка», па шашках і міні-футболу — Чэрвеньская ПМК-237, па дартсу -раённыя электрасеткі.
У асабістым заліку першыя месцы занялі: Андрэй Міцкевіч з ПМК-237 і Анастасія Кахновіч са Смілавіцкага ліцэя- па шашках; Дзмітрый Мурашка з аграрнага каледжа, Фёдар Суша з ПМК-237, Іван Якубоўскі, Уладзімір Бандаровіч і Андрэй Іотка з філіяла «Беларусбанка» — па армрэслінгу, Ігар Лісоўскі са Смілавіцкага сельгасліцэя — па дартсу.
Па выніках двух этапаў спартакіяды яе пераможцай сярод працоўных калектываў прадпрыемстваў і арганізацый стала каманда філіяла «Беларусбанка». На другім месцы — ПМК-237, на трэцім — раённыя электрасеткі.
Сярод устаноў адукацыі спартакіяду выйграла каманда аграрнага каледжа Другімі сталі тут спартсмены Смілавіцкага сельгасліцэя, трэцяе месца заняла каманда СДЮШАР.
Ігар АДАМОВІЧ.
Фота аўтара
