Па даўняй добрай традыцыі Ганаровы грамадзянін горада Чэрвеня Анатоль Усенка наведаў родны горад у першыя навучальныя дні. Заслужанага трэнера Беларусі, неаднаразовага чэмпіёна свету і Еўропы па міні — футболу віталі ў сш №3 г.Чэрвеня.
Нам, вучням, было вельмі прыемна і пачэсна, што Анатоль Іванавіч завітаў менавіта ў нашу школу. Мы таксама маем неблагія вынікі ў розных спартыўных спаборніцтвах.
Знакаміты трэнер падарыў школе тры мячы — баскетбольны, валейбольны і футбольны. А лепшаму футбалісту па выніках першай чвэрці — цудоўную пару бутсаў. У кожнага хлапчука нашай школы ёсць шанц атрымаць гэты асаблівы падарунак.
Таццяна Лупянкова, Анастасія Лебедзева,
вучаніцы 10 класа сш №3
