У Чэрвені адбылося абласное свята-конкурс «Саламяныя дзівосы». У ім бралі ўдзел 86 майстроў па саломапляценню з 13 раёнаў Міншчыны. Кожны ўдзельнік прывёз выставу сваіх работ, многія з якіх чэрвеньцы маглі купіць.
Кожны ўдзельнік конкурсу за тры гадзіны павінен быў стварыць сваю работу і прадставіць журы. Прыемна адзначыць, што майстры Чэрвеньшчыны вельмі годна выступілі на гэтым адказным мерапрыемстве.
Дыпломам за ўдзел у конкурсе адзначана Тамара ШАЛУПЕНКА. Вучаніцы Хутарскай школы Ліка ІСАЁНАК і Аліна СМУСЯНОК (на верхнім здымку) сталі трэцімі ў намінацыі «Саламянае пудзіла». Дзяўчаткі займаюцца ў гуртку пры Любішынскім СДК (выкладчык Наталля ПАРМОН). Майстар саломапляцення, неаднаразовая пераможца і дыпламантка абласных і рэспубліканскіх конкурсаў па дэкаратыўна-прыкладному мастацтву Таццяна ПЯНКРАТ у намінацыі «Рамбічны павук» заняла другое месца. Віншуем!
Наталля КАРАЛЬКЕВІЧ.