За дапамогай у вырашэнні праблем да Сямена Шапіры, які праводзіў у Чэрвени прыём грамадзян у нашым раёне, звярнуліся дзесяць чалавек. Сярод іх былі і жыхары сталіцы. Дыялог працягваўся каля трох гадзін.
Звароты былі традыцыйнымі: тычыліся прыватызацыі жылля, водазабеспячэння, рамонту і газіфікацыі, цеплавой рэабілітацыі і электразабеспячэння жылых дамоў. Жыхары вёскі Карзуны звярнуліся з просьбай паскорыць падвод водазабеспячэння. Па словах старшыні райвыканкама Андрэя Зубара, тэрміны былі зацягнуты з-за недахопу фінансавання. Але цяпер асноўныя работы ўжо выкананы. Старшыня Мінаблвыканкама даручыў падвесці ваду да 10 верасня. «А наогул, — працягнуў ён, — што тычыцца ў цэлым сітуацыі з забеспячэннем участкаў жылой забудовы інжынерна-транспартнай інфраструктурай, то грамадзянам таксама трэба ўдзельнічаць у фінансаванні будаўніцтва яе. Мнагадзетным сем»ям, інвалідам дзяржава дапаможа, астатнія павінны будуць унесці пэўную суму.»
Падрабязнасці ў газеце “РВ” ў №№160-162
