У Мар’інагорскай раённай бальніцы адкрылася аддзяленне гемадыялізу.
Як паведамляе газета «Пухавіцкія навіны», яно разлічана не толькі на мясцовых жыхароў, але і на пацыентаў суседніх нашага і Бярэзінскага раёнаў.
Адкрыццё аддзялення стала доўгачаканай падзеяй для людзей з цяжкімі захворваннямі нырак. Дагэтуль шмат гадоў яны вымушаны былі звяртацца па медыцынскую дапамогу ў Мінскую абласную бальніцу.
Аддзяленне гемадыялізу разлічана на 12 чалавек у суткі. Усяго тут ўстаноўлена шэсць апаратаў штучнай ныркі, з дапамогай якіх ачышчаюць кроў, падключаючы да іх пацыентаў праз дзень на тры гадзіны. Адзін з апаратаў зарэзерваваны на выпадак неабходнасці аказання экстранай дапамогі.
Ігар АДАМОВІЧ