26 ліпеня. Беразіно. Гарадскі стадыён. Сонечна. 27 градусаў. 50 гледачоў.
«Колас»: Курыловіч, Петрусевіч, Рысянкоў, Палтаржыцкі, Прохараў (Канцур, 46), Прытыка (Качановіч, 74), Шалабнёў (Ліпніцкі, 46), Суша (Чысты, 46), Палынін (Аўраменка, 79), І.Купровіч (Бурмістронак, 46), Пыжык.
Гол у «Коласа»: Палынін (8).
У гэтай сустрэчы трэнер чэрвеньцаў Сяргей Прыступа вырашыў паэксперыментаваць са стартавым саставам. Напачатку гэта прынесла станоўчы вынік: ужо на 8-й хвіліне «Колас» адкрыў лік. Трапным «стрэлам» па варотах бярэзінцаў з перадачы дэбютанта каманды Іллі Купровіча вызначыўся Станіслаў Палынін — 1:0.
Аднак потым у нашых абвастрылася старая хвароба — невыкарыстанне рэальных момантаў забіць гол. Не дапамаглі ні колькасная перавага (за сем хвілін да перапынку ігрок гасцей атрымаў чырвоную картку), ні масавыя замены ў саставе з пачатку другога тайма.
Незадоўга да заканчэння гульні суддзя выдаліў яшчэ аднаго бярэзінца. Але, замест таго, каб хаця б проста давесці матч да перамогі, чэрвеньцы на апошніх секундах «дапамаглі» бярэзінцам параўнаць лік. Падчас атакі гаспадароў поля мяч ад нашага футбаліста змяніў траекторыю палёту і патрапіў у вароты Аляксандра Курыловіча — 1:1.
«Колас» прадоўжыў сваю зайздросную бяспройгрышную серыю да дзевяці (!) гульняў, аднак гэта не прынесла нашым вялікай радасці. Шанцы патрапіць у чацвёрку мацнейшых каманд групы зменшыліся. Але яны яшчэ ёсць. Балазе, у апошнім туры свае матчы прайгралі «Забудова-2007» і «Вілейка». Да чацвёртага месца — пяць ачкоў. Пры гэтым тры з іх будзе магчымасць адыграць у вочным паядынку з «Забудовай-2007».
Але пакуль у чэмпіянаце трэба настройвацца на хатнюю гульню з ФК «Барысаў». Па прычыне ўдзелу «Коласа» ў фінальным матчы Кубка вобласці, які адбудзецца заўтра, яна перанесена з сённяшняга дня на бліжэйшую сераду, 6 жніўня. Пачатак — у 18 гадзін 30 хвілін. Прыходзьце на гарадскі стадыён!
Вынікі астатніх матчаў 11-12 тура: «Забудова-2007» (Маладзечанскі раён) — «Валожын-2010» — 5:0, ФК «Барысаў» — «Беразіно» — 6:1, «Вілія» (Вілейка) — «Крупкі-ДРБУ-164» — 4:1, «Жодзіна-2007 — «СМІаўтатранс» (Смалявічы) — 7:2; «Валожын-2010» — ФК «Барысаў» — 1:4, «Маладзечна-ДЮСШ-4» — «Жодзіна-2007 — 0:1, «Крупкі-ДРБУ-164» — «Забудова-2007» (Маладзечанскі раён) — 5:4, «СМІаўтатранс» (Смалявічы) — «Вілія» (Вілейка) — 5:1.
Становішча каманд пасля 12 тураў:
|
Каманды |
Г |
В |
Н |
П |
М |
А |
|
«Маладзечна-ДЮСШ-4» |
12 |
9 |
1 |
2 |
51-11 |
28 |
|
ФК «Барысаў» |
12 |
9 |
0 |
3 |
14-17 |
27 |
|
«Жодзіна-2007» |
12 |
8 |
0 |
4 |
50-24 |
24 |
|
«Забудова-2007» |
12 |
7 |
0 |
5 |
40-35 |
21 |
|
«СМІаўтатранс» |
12 |
6 |
1 |
5 |
24-22 |
19 |
|
«Вілія» |
12 |
6 |
0 |
6 |
32-26 |
18 |
|
«Колас» |
12 |
4 |
4 |
4 |
17-21 |
16 |
|
«Крупкі-ДРБУ-164» |
12 |
3 |
0 |
9 |
18-50 |
9 |
|
«Беразіно» |
12 |
2 |
2 |
8 |
22-42 |
8 |
|
«Валожын-2010» |
12 |
1 |
2 |
9 |
12-59 |
5 |
Ігар АДАМОВІЧ. Фота аўтара
