Аб гэтым ён заявіў 1 снежня, сустракаючыся з Прэзідэнтам Казахстана Нурсултанам Назарбаевым.
«Нідзе ніхто не топчацца, ніякіх затораў, усё прадумана, ніякіх анархістаў, антыглабалістаў. Ніхто не перашкаджае працаваць», — сказаў Аляксандр Лукашэнка. Паводле яго слоў, пытанне правядзення саміту ўжо даўно наспела, каб высветліць, «ёсць або няма арганізацыі».
«Сабралі людзей — гэта вялікая справа», — адзначыў кіраўнік беларускай дзяржавы. Звяртаючыся да Нурсултана Назарбаева, ён таксама выказаў задавальненне ўзроўнем развіцця адносін паміж Беларуссю і Казахстанам.
У сваю чаргу Прэзідэнт Казахстана сказаў: «У нас вельмі добрыя даверныя адносіны як у палітыцы, так і ў эканоміцы». Паводле яго слоў, усе ранейшыя дамоўленасці актыўна рэалізуюцца.
БелТА
