18 сакавіка пачалося датэрміновае галасаванне па выбарах дэпутатаў у мясцовыя Саветы дэпутатаў Рэспублікі Беларусь. Яно працягнецца да 22 сакавіка ўключна.
У Чэрвені і Чэрвеньскім раёне створана 31 выбарчая акруга, зарэгістраваны 39 кандыдатаў у дэпутаты. Выбарчыя ўчасткі працуюць з 10:00 да 14:00 і з 16:00 да 19:00. Галасаванне па месцы знаходжання грамадзяніна Выбарчы кодэкс Рэспублікі Беларусь прадугледжвае толькі ў дзень выбараў. Для ўдзелу ў галасаванні выбаршчыку неабходна мець пры сабе пашпарт або іншы дакумент, які сведчыць аб асобе, вызначаны пастановай Цэнтральнай выбарчай камісіі.
У бюлетэні кандыдаты запісаны ў алфавітным парадку. Пры галасаванні выбаршчык ставiць любы знак у пустым квадраце, размешчаным насупраць прозвішча таго кандыдата, за якога ён галасуе. Калі выбаршчык галасуе супраць усіх кандыдатаў, ён ставіць любы знак у пустым квадраце насупраць запіса «Супраць усіх кандыдатаў».
Калi ў бюлетэнь унесена прозвiшча толькi аднаго кандыдата, то выбаршчык пры галасаванні за кандыдата ставiць любы знак у квадраце пад словам «за», а пры галасаванні супраць кандыдата — любы знак у квадраце пад словам «супраць».
Пры неабходнасці выбаршчык мае права звярнуцца да ўчастковай камісіі з просьбай выдаць яму новы бюлетэнь узамен сапсаванага.
Выбаршчыкі галасуюць па месцы рэгістрацыі — пастаяннай ці часовай. Калі грамадзянін часова пражывае ў Чэрвені ці Чэрвеньскім раёне, для ўдзелу ў галаванні ён павінен прадставіць адпаведны дакумент, які выдаюць выканаўчыя камітэты.
Віталь Труш,
старшыня раённай выбарчай камісіі па
выбарах дэпутатаў мясцовых Саветаў
дэпутатаў дваццаць сёмага склікання