Адбыўся ён напрыканцы лютага ў нашым сельскім Доме культуры. Ужо само афармленне сцэны (сцягі, мультымедыйная ўстаноўка) сведчыла аб сур’ёзнасці мерапрыемства. Зала была перапоўнена людзьмі розных узростаў!
У гэты дзень да нас прыехалі незвычайныя госці: заслужаны трэнер Рэспублікі Беларусь па баявых адзінаборствах Яўген Дабратворскі, аўтар-выканаўца, сябра культурнага цэнтра «Патрыёт» Расіі Андрэй Барада (абодва — у ваеннай форме), трохразовая чэмпіёнка свету па баявых адзінаборствах Дар’я Машара — ужо са сваімі вучнямі. Дар’я і яе выхаванцы — сябры спартыўнага клуба «Светогоръ» (кіраўнік — Яўген Дабратворскі), які створаны пры СШ №4 г.Чэрвеня. Дарэчы, нашы мясцовыя школьнікі ўжо ведаюць пра гэты клуб і таксама займаюцца там. Сярод іх — Мікіта Цітавец, Аляксандр Несцяровіч, Даніла Гуськоў.
Як мы даведаліся, Яўген Дабратворскі і Андрэй Барада прайшлі шляхамі жахлівай афганскай вайны, зведалі нягоды ваенных дзеянняў, спазналі кошт сапраўднага мужчынскага сяброўства. Яны абодва ваявалі ў складзе добра вядомай 9-й роты, таму на пачатку сустрэчы быў паказаны дакументальны фільм «Праўда аб 9-й роце 345-га асобага паветрана-дэсантнага палка, які базіраваўся ў г.Баграм Афганістана». Без слёз гэта немагчыма было глядзець…
Пасля распачалося выступленне Андрэя Барады. У яго рэпертуары — песні, прысвечаныя памяці загінуўшых сяброў, тым сумным падзеям. Між іншым, ён выконваў пад гітару не толькі запланаванае. Была яшчэ імправізацыя: дзіцячыя песні для самых юных гледачоў. Андрэй Барада ездзіць са сваімі сябрамі па гарадах Расіі, выступае перад рознай аўдыторыяй. Уся яго дзейнасць накіравана на ваенна-патрыятычнае выхаванне моладзі.
Выступленне Андрэя Барады, выкананне ім песень чаргавалася з выступленнем Яўгена Дабратворскага, а таксама Дар’і Машары і яе вучняў, якія паказвалі (наколькі гэта дазваляла рабіць сцэна) элементы баявых адзінаборстваў — з кінжалам, веерамі, нажом на ланцугу. Захапляльна!
Абыякавых у зале не было. Андрэй Барада спускаўся да гледачоў, даваў мікрафон… Падпявалі ўсе! І было такое адчуванне, што мы даўно ведаем адзін аднаго, што ўсе мы — адна сям’я…
Закончыўся вечар выступленнем Яўгена Дабратворскага, асноўная думка якога — заклік моладзі да здаровага ладу жыцця, да заняткаў спортам, да неабходнасці службы ў войску, да сумленнага жыцця. І што трэба рабіць усё магчымае, каб квітнела наша Беларусь.
Гасцям напрыканцы сустрэчы дырэктар Раваніцкага сельскага Дома культуры Рыгор Ладуцька ўручыў кветкі, а юным спартсменам — салодкія прызы. Мастацкі кіраўнік СДК Тамара Ладуцька падзякавала гасцям, а потым так кранальна, з незвычайным душэўным хваляваннем прачытала верш «Мужчынам прысвячаецца».
… Быў позні вечар, калі скончыўся канцэрт. Нашых гасцей адразу ж чакала далёкая дарога на Маскву. Няхай жа ўсё ладзіцца ў іх, у сем’ях. І шчаслівага нам усім жыцця пад мірным небам!
Тамара ІГНАТОВІЧ, жыхарка в.Раванічы
Фота Тамары ЛАДУЦЬКА
Здорово! Побольше бы таких концертов!) спасибо организаторам, Добротворскому Евгению Героиевичу!
отличный концерт….
Молодцы! Так держать!
Хороший концерт получился!!!))
Спасибо всем зрителям и организаторам данного мероприятия за тёплый приём. Всегда приятно выступать перед благодарной и радушной публикой,делиться своим мастерством,получая взамен положительные эмоции.
Давайте будем добрее и терпимее друг к другу! Так легко подарить улыбку ближнему и сделать мир лучше))
прекрасный концерт
Борода-лучший)))
прекрасный концерт)
благодарны за концерт)
Светогор-лучший….
замечательно)
отличный концерт)
классный концерт
просто замечательный концерт)осталось море впечатлений….все зрители были под впечатлением….этот концерт останется надолго в нашей памяти….спасибо Евгению Георгиевичу за проделанную работу)
Андрей Борода-лучший!!!)))
Огромное спасибо Андрею за прекрасные песни. Спасибо Дарье и её ученикам за подаренный праздник и конечно организатору Евгению Георгиевичу.