У ХVІІІ стагоддзі пры каралеўскім двары і ў маёнтках буйных магнатаў існавалі аматарскія і прафесійныя тэатры. Працаваў у той час у Гродна і тэатр Антонія Тызенгаўза, у трупе якога быў ураджэнец Ігумена Міхаіл Рымінскі. Ён выступаў у галоўных партыях, вучыў танцу балерыну П.Грабскую і спявачку Т.Марчынскую.
Па дайшоўшых да нас звестках, танцоры тэатра Антонія Тызенгаўза выступілі больш чым у сотні балетных праграм і заслужылі ўсеагульнае прызнанне.
У 1785 – 1794 гадах Міхаіл Рымінскі стаў першым танцоўшчыкам польскага балета, выступаў на каралеўскіх сцэнах як драматычны акцёр і спявак.
Каралеўскі ансамбль перастаў існаваць ў 1795 годзе. Далейшы лёс Міхаіла Рымінскага невядомы.