У №12 літаратурна-мастацкага і грамадска-палітычнага часопіса «Нёман» за 2013 год надрукавана апавяданне жыхара вёскі Натальеўск, доктара сельскагаспадарчых навук Леаніда Шофмана «Крумкач чакаў».
Гэта — шчымлівая гісторыя трагічнага кахання, якая прымушае задумацца над сэнсам жыцця, яго ўяўнымі і сапраўднымі каштоўнасцямі.
Як паведамілі ў цэнтральнай раённай бібліятэцы, твор нашага земляка выклікаў вялікую цікавасць. У першыя дні пасля атрымання часопіса, каб прачытаць апавяданне «Крумкач чакаў», трэба было займаць чаргу.
Раней Леанід Шофман выдаў аўтабіяграфічную аповесць «Старонкі жыцця».