Люты 1499 года — першае непасрэднае ўпамінанне ў пісьмовых крыніцах двух паселішчаў Чэрвеньшчыны — Горак і Задобрыч. Апошняе выступае ў скажонай форме «Задобрычы».
17 лютага 1837 года ў вёсцы Ляды Смілавіцкай воласці былога Ігуменскага павету Мінскай губерніі ў сям’і збяднелага двараніна нарадзіўся заолаг і падарожнік Канстанцін Міхайлавіч Ельскі.
15 лютага 1910 года былі адчынены аднакласныя народныя вучылішчы ў вёсках Дубаўручча, Слабада Раваніцкая Белічанскай воласці і ў вёсцы Ганута Хутарскай воласці.
2 лютага 1914 года ў г.Ігумені нарадзілася беларуска-савецкі музыказнавец, педагог Сіма Герасімаўна Нісневіч.
Люты 1917 года. Абрана новая гарадская дума, у якой большасць складалі меншавікі.
Люты — снежань 1918 года. Акупацыя Ігуменшчыны войскамі кайзераўскай Германіі.
Люты 1920 года. У вёсцы Дукора Ігуменскага павету супраць польскіх інтэрвентаў дзейнічаў партызанскі атрад пад камандаваннем А.А. Блажко.
26 лютага 1927 года ў в.Куцень Чэрвеньскага раёна ў сялянскай сям’і нарадзіўся літаратурны і тэатральны крытык, публіцыст, кінадраматург, член Саюза пісьменнікаў Беларусі Георгій Данілавіч Колас.
Люты 1934 года. Арганізавалася Чэрвеньская МТС.
20 лютага 1936 года ў г.Чэрвені нарадзіўся беларускі кампазітар, Заслужаны дзеяч мастацтваў РБ Кім Дзмітрыевіч Цесакоў.
Люты 1942 года. Быў арганізаваны партызанскі атрад «Разгром» у Чэрвеньскім і Смілавіцкім раёнах з групы партыйна-савецкіх работнікаў і ваеннаслужачых, што не выйшлі з варожага тылу.
13 лютага 1945 года адбылася першая пасляваенная сесія Дамавіцкага сельскага Савета.
28 лютага 1949 года ў г.п.Смілавічы Чэрвеньскага раёна нарадзіўся беларускі гісторык, кандыдат гістарычных навук Ібрагім Барысавіч Канапацкі.
(Па матэрыялах Чэрвеньскага раённага краязнаўчага музея)