Яна прадстаўлена прыгожай упакоўкай з кардону для дзіцячых навагодніх падарункаў. Гэта скрыначкі ў выглядзе Дзеда Мароза, елкі, старажытных замкаў, самавара, аўтамабіляў розных марак, каруселі. А таксама ёсць знакі задыяка і сімвал 2014 года — Конь. Дапаўняюць выставу маляўнічыя календары розных гадоў, на якіх адлюстраваны чароўны свет казкі, непаўторнай адметнасці прырода і прыгожая архітэктура. Усяго каля ста экспанатаў, самы даўні — з 1986 года.
Падрыхтавала такую цікавую экспазіцыю і праводзіць экскурсію па ёй навуковы супрацоўнік Чэрвеньскага краязнаўчага музея Станіслава Чаславаўна Баркоўская (на здымку). Яна эмацыяльна і на падставе вялікай колькасці разнастайных фактаў распавядае пра гісторыю Новага года, Калядаў, ёлачных цацак, елкі, падарункаў і шмат чаго іншага. Да таго ж, для пашырэння кругагляду наведвальнікаў па гэтай тэме дэманструе пазнавальны відэафільм, а для дзяцей — яшчэ і вясёлыя мультфільмы, праводзіць гульні. Першым дзеткам-наведвальнікам уручаны падарункі.
Эма МІКУЛЬСКАЯ.
Фота аўтара