Напярэдадні свята Дня пажылых людзей у раёне арганізаваны шматлікія мерапрыемствы, падрыхтаваныя Чэрвеньскім тэрытарыяльным цэнтрам сацыяльнага абслугоўвання насельніцтва.
Так, на гэтым тыдні ўшаноўвалі састарэлых у дамах сацыяльных паслуг вёсак Анаполле і Асінаўка Калодзежскага сельсавета. У Чэрвеньскім псіханеўралагічным доме-інтэрнаце арганізавана выстава мастацкіх работ жыхароў інтэрната , прагляд мастацкіх фільмаў. Усе жадаючыя маглі прыняць удзел у турніры на настольнаму тэнісу.
Актыўны ўдзел у пасяджэнні перасоўнага клуба «Прыстань», якое адбылося ў вёсцы Валевачы, прынялі яго пастаянныя наведвальнікі.
На працягу тыдня праходзілі і розныя акцыі. Так, у рамках акцыі «Мудрай старасці паклон» работнікі цэнтра віншавалі стогадовых жахароў раёна, у рамках акцыі «Рука дапамогі» — адзінокіх, якія дасягнулі 85-гадовага ўзросту і знаходзяцца на надомным абслугоўванні.
Непасрэдна ў дзень свята, 1 кастрычніка, адбудзецца канцэрт, падрыхтаваны работнікамі Руднянскага дома культуры для выхаванцаў мясцовага аддзялення кругласутачнага знаходжання.
У гэты ж дзень у 11 гадзін гасцінна расчыніць дзверы для ўсіх жыхароў раёна Цэнтр культуры і адпачынку ў Чэрвені, дзе будзе арганізавана сустрэча з прадстаўнікамі Чэрвеньскага раённага выканаўчага камітэта, а затым адбудзецца святочны канцэрт самадзейных артыстаў раёна.
Л.ЦІТАЎКА